Груевски и ВМРО-ДПМНЕ, со фалсификатите и на Европскиот извештај, уште еднаш покажаа дека тие можат да владеат само преку фалсификати, се вели во писмената реакција на СДСМ на соопштението на ВМРО-ДПМНЕ за пресот на Лидија Димова.
Што поцрно сака да види ВМРО-ДПМНЕ од оценката на Европската Комисија дека институциите се политизирани, државата и владеачките партии се слепени, медиумите се под контрола, постои селективна правда, а државата е во ќор сокак?
Европската комисија со препораката им даде гума за спасување на граѓаните на Македонија и сериозна и најдиректна критика досега за Никола Груевски и неговата власт.
СДСМ апелира власта да се вразуми и да престане да нанесува срамови и непоправливи штети на државните интереси на Република Македонија.
Што се однесува до лицемерните повици за враќање во Собранието, да знаеше ВМРО-ДПМНЕ што е парламентарна дебата, немаше со полиција да исфрли новинари и пратеници од Собранието и тоа кога се дебатираше за најважната работа за граѓаните, трошењето на нивните пари.