„СДСМ уште еднаш потенцира дека власта на Никола Груевски спроведе класично насилство со верификацијата на мандатите на пратениците на СДСМ.
Тоа го докажува предлогот на Министерството за правда за време на преговорите за Изборниот законик, за измена на член 65, за којашто не беше постигната согласност.
Со предложената одредба требаше да се спечи откажување на кандидатите за пратеници од мандатот “до денот на верификација на мандатот, доколку кандидатот е избран“.
Тоа значи дека во Изборниот законик не постои таква законска одредба и дека останува правото на избраниот пратеник да се откаже од својот мандат.
Власта на Груевски незаконски не ги призна изјавите на пратениците од опозицијата, кои на нотар потпишаа дека не ги прифаќаат пратеничките мандати.
Со тоа уште еднаш се стави над Уставот и законите во Македонија“, се вели во соопштението на СДСМ.