Никола Груевски, вчера преку неговата партија, а денеска преку медиумите под негова контрола, се обидува да врши притисок врз Управниот суд. Ова е уште еден доказ дека Никола Груевски и ВМРО-ДПМНЕ безобразно се ставаат над правото и правдата, за што Македонија е тема веќе во целиот свет, се вели во писмената реакција од најголемата опозициска партија.
„Управниот суд има 7 дена да се изјасни по барањето на СДСМ за изрекување времена мерка за одложување на правните последиците од насилната верификација на мандатите на кандидатите за пратеници на опозицијата, од страна на Собранието на Македонија. СДСМ му укажува на Никола Груевски дека внимателно ја следи секоја злоупотреба на институциите од страна на неговата власт“, велат од СДСМ.