Никола Груевски не одговори на ниту едно прашање за мега скандалите во чиј центар е лично тој, велат од СДСМ.
Груевски не кажа ниту збор:
-За примањето на 1,5 милион евра во кеш, за продажба на Македонска Банка,
-За аудио снимката која го потврди договарањето на милионскиот кеш,
– За партискиот имот вреден 1,6 милиони евра, купен само за три месеци непосредно пред изборите.
– За рајските шеми на неговиот братучед во Панама и Лугано преку кои се изнесени една милијарда евра, народни пари надвор од Македонија.
– За огромните лични имоти на функционерите на ВМРО ДПМНЕ во центарот на Скопје, вредни над стотици илјади евра.
Наместо одговорите кои најповиканиот, премиерот Никола Груевски и ги должи на јавноста, тој лицемерно зборува за наводни и деструктивни сценарија кои може да ги измисли и да ги реализира само тој и ВМРО ДПМНЕ. Груевски всушност денеска само ги прочита конструкциите коишто им ги диктирал на медиумите под неговата контрола изминативе денови.
СДСМ со денешната прес конференција целосно ги демантираше ваквите тези и конструкции.
Разбираме дека вака разголена власта, со сите нејзини коруптивни и криминални шеми, станува уште подрска и понервозна. Но, веќе и на јавноста и е јасно дека Никола Груевски повеќе не може да биде премиер.
Веруваме дека граѓаните нема да подлегнат на притисоците, уцените, обидите за поткуп од страна на власта и со својот глас ќе допринесат да се стави крај на самоволието на ВМРО ДПМНЕ, се вели во реакцијата на СДСМ.