Проблемот на Никола Груевски и ВМРО – ДПМНЕ е што тие ја изгубија реалноста за тоа што е разумно и нормално, велат од СДСМ.
Да не беше така ќе се срамеа од криминалните избори и од штетите што и ги нанесоа на Македонија , која е критикувана во сите меѓународни извештаи за неодвоеност на партијата од државата, пристрасни медиуми, зависно судство, уназадување на демократијата.
Изборите на кои се повикува ВМРО – ДПМНЕ и во конечниот извештај на ОБСЕ/ОДИХР ниту еднаш не се оценети како фер и демократски.
А, делата и проектите на кои се повикува ВМРО-ДПМНЕ иселија околу 450 илјади луѓе од државава и ја донесоа најголемата сиромаштија во земјава од независна Македонија.
СДСМ како одговорна политичка партија има обврска да ја врати Македонија на нормалниот колосек и тоа ќе го стори, стои во реакцијата на опозициската партија.