„Никола Груевски, со споредбите за пред 10 години, се обидува да обезбеди алиби за последниот најдиректен критички Извештај на ОБСЕ/ОДИХР за претседателските и парламентарните избори во земјава.
Поради тој Извештај на ОБСЕ/ОДИХР, прифатен од ЕУ и САД, честитките до Ѓорге Иванов се претворија во јасни пораки на меѓунардната заедница до власта, за неопходност од правна држава во Македонија.
Затоа Никола Груевски е нервозен. Затоа што излезе на површина криминалниот и нерегуларен изборен процес спроведен под негова палка.
Груевски наместо да се губи низ минатото, треба сериозно да ја сфати реалноста и да одговори на очекувањата за надминување на кризата што тој ја создаде“, се вели во реакцијата на СДСМ на пишувањата во провладините медиуми.