„Молкот на Никола Груевски и неговите соработници за згрозувачките противуставни, противзаконски и нечовечки постапувања, како и нивното кукавичко барање спас во манипулации позади сервисот Јутјуб, со коишто постапки влегуваат во нови кривични дела, е дополнителен показател со какви нелуѓе имаат работа граѓаните на Република Македонија.
Медиумските одработувачи повеќе не му се од корист на Груевски, затоа тој посегнува по алтернативни механизми на одбрана, но тие го влечат подлабоко во калта.
Вистинското лице на Никола Груевски и неговите соработници e разобличено.
Монтираните политички случаи, скандалозните местенки на обвинителско-судски одлуки, прислушувањето на граѓаните се само дел од суровата Вистина за Македонија, којашто ќе биде обелоденета докрај пред граѓаните“, се вели во соопштението на СДСМ.
