СДСМ со писмено соопштение реагира на изјавата на Никола Груевски за радиодифузната такса.
„Граѓаните нема да плаќаат радиодифузна такса!
И тоа нема да биде единствената давачка со којашто новата Влада ќе им олесни на граѓаните. Ќе има намалувања и на други давачки со што ќе овозможиме на граѓаните да им остануваат повеќе пари во семејните буџети со коишто сега не можат ни да се прехранат.
Ќе има и нови и подобро платени реални работни места.
Тоа што Никола Груевски сам гласно се изјасни против укинувањето на радиодифузната такса е само потврда дека тој и фамилијата се само за полнење на сопствените џебови и затоа прават се против мнозинската волја да останат на власт.
Ќе има нова Влада што ќе се грижи за граѓаните и радиодифузината такса ќе биде укината. Ништо повеќе не зависи од Груевски и раководството на ВМРО-ДПМНЕ“ се вели во соопштението на СДСМ.