Големиот одѕив и интерес на видни и независни интелектуалци и претставници на невладини организации, за интегрирање во граѓанско партнерство со цел враќање на уништената демократија и задушената слобода во Македонија, многу ги вознемири Никола Груевски и ВМРО-ДПМНЕ, велат од СДСМ.
Тоа го покажуваат бројните реакции на ВМРО-ДПМНЕ, на секој изговорен збор на дискутантите, што партијата на Груевски нервозно ги испраќа една врз друга, додаваат оттаму.
Токму ова однесување, е доказ колку многу е сериозна ситуацијата во Република Македонија, кога власта не може да поднесе една отворена демократска дебата, на отворена граѓанска трибина.
Ова однесување на Никола Груевски и ВМРО-ДПМНЕ ја покажува неопходноста од политичко пријателство помеѓу секој граѓанин во Република Македонија, за повторно освојување на слободата, што е и тема на денешната трибина.
