„Никола Груевски копнее да може да ги смени фактите во криминалот зад којшто стои, во случајот Македонска банка.
Затоа му се присторува дека за него има надеж.
Груевски договoрил поткуп од 1.500.000 евра за продажба на Македонска банка, договорил извлекување на уште 900.000 евра, жирално, во кеш, затаил данок и со тоа ја оштетил државата за 225.000 евра.
Во тоа се увери целата македонска јавност, преку аудио снимката, за којашто има доказ од референтен вештак дека гласот е лично на Никола Груевски.
Груевски треба да одговори на многу просто прашање, негов ли е гласот на аудио снимката“, се вели во писмената реакција на СДСМ на пишувањата во провладините медиуми.