После пишувањата, всушност преобјавување на еден текст, во голем број медиуми кои никогаш не ја критикуваат власта дека имало кавги вчера на состанок на Општинската организација (ОО) на СДСМ во Ѓорче Петров, локалните сдсмовци ги демантираат како голема лага и тешка измислица ваквите шпекулации.
„Целокупниот текст е всушност една голема лага и тешка измислица.
Ова наше тврдење се темели на следните факти:
1. На 27.05.2014 – вторник, не е одржан состанок во ОО СДСМ Ѓорче Петров;
2. Во ОО СДСМ Ѓорче Петров, никогаш немало состанок, a на кој имало жестоки караници помеѓу членството, дали да останел Претседателот Заев или пак да се врател поранешниот Претседател Бранко Црвенковски;
3. Во ОО СДСМ Ѓорче Петров, никогаш немало состанок, на кој кандидатот за пратеник Љубица Буралиева барала од раководството на ОО да и се вратат некакви пари“, се вели во реакцијата од ОО на СДСМ – Ѓорче Петров.