Ги поздравуваме наодите од набљудувањето на изборниот процес во Република Македонија од страна на мисијата на ОБСЕ/ОДИХР, велат од СДСМ.
Оценките на мисијата на ОБСЕ/ОДИХР, содржани во Извештајот се совпаѓаат со забелешките на СДСМ и ставот дека на изборите не се овозможени услови за елементарен демократски изборен процес.
Набљудувачката мисија на ОБСЕ/ОДИХР потврди дека за време на претседателските и парламентарните избори 2014 година:
владејачката партија не прави разграничување на државните и партиските активности
власта не обезбеди услови за рамноправен натпревар на сите политички партии
нема подеднаква медиумска застапеност и дека повеќето медиуми се пристрасни кон власта дека постои заплашување и притисок врз граѓаните.
Ова упатува дека е неопходно формирање на техничка влада која ќе овозможи спроведување на нормални, фер и демократски претседателски и парламентарни избори во Република Македонија.