СДСМ е подготвен да ја исполни законската обврска за доставување на материјалите од незаконското следење на комуникациите. Впрочем, СДСМ секогаш ги исполнува преземените обврски, во интерес на граѓаните и во интерес на Република Македонија, се наведува во партиската реакција на денешната изјава на премиерот Никола Груевски дека Зоран Заев не ги предава материјалите до Специјалното обвинителство и оти бега од избори.
– Единствени коишто го кршат Договорот од Пржино и коишто применуваат татика на одолговлекување се Никола Груевски и ВМРО-ДПМНЕ. СДСМ очекува од сите страни да ги исполнат преземените обврски и Договорот од Пржино да се реализира во целост. Императив на Договорт од Пржино е кристално чист изборен и предизборен процес. Македонија тргна по незапирлив пат на промени и промените ќе се случат. Секој што го прекршил законот ќе одговара, стои во реакцијата на СДСМ.