Како што јавуваат сите европски медиуми претставниците на земјите-членки на ЕУ и Европскиот парламент постигнале договор за нови правила: мигрантите, барателите на азил ќе се депортираат во „трети безбедни земји“, надвор од ЕУ. Клучното прашање е: Кои се тие „трети безбедни земји“?, се вели во соопштението од СДСМ.
– Земјите од Балканот, кандидатите за членство, држави надвор од ЕУ, меѓу нив и Македонија. Албанија веќе ги прими првите мигранти, Косово исто така, која е следна земја? Прашањето е дали Македонија е следната земја која за пари ќе го направи тоа? Бидејќи власта сака да забрани да говориме за мигранти тука ќе застанеме, граѓаните сами ќе го дадат одговорот, нагласуваат од партијата.