Без многу заобиколување ЕЛЕМ треба да одговори на многу едноставно прашање: каде се енергетските капацитети кои што ги ветуваше Никола Груевски во 2008-ма година, прашува СДСМ по соопштението од АД „Електрани на Македонија“.
„Ги нема, затоа што нови енергетски капацитети Никола Груевски нема изградено. Нејасно е што сака да демантира ЕЛЕМ во соопштението. Факт е дека Македонија го има намалено годишното производството на електрична енергија за 7,5 отсто. Факт е дека годишниот увоз на електрична енергија е зголемен за 60 отсто“, се наведува во соопштението од СДСМ.
Партијата бара одговор за тоа – ако не е точно дека расте увозот и опаѓа производството на струја, и како што вели ЕЛЕМ, сè е во ред и со овие прашања и со инвестициите, зошто тогаш поскапува струјата за граѓаните?