Криење зад брзи избори навистина нема смисла пред граѓаните после толку кажани лаги вели портпаролката на СДСМ Богданка Кузеска коментирајќи го барањето на ВМРО-ДПМНЕ за брзи предвремени избори.
„Сега не е време за избори, време е за одговорност бидејќи сме соочени пред многу предизвици како што е енергетската криза, живеачката на граѓаните, пандемијата, продолжување на патот кон ЕУ, и токму затоа време е за одговорност и не е време за брзи и предвремени избори„ – вели Кузеска.
„Следуваат разговори со сите демократски пратеници, со сите демократски сили, со сите демократски партии кои што го поддржуваат токму тоа што вчера и го потврдија, и секако дека во наредниот период СДСМ интензивно работи на обезбедување на напредокот на државата“ – рече портпаролката на СДСМ.
