„Во 2015 година Коце Трајановски се фали со изградба на атмосферска канализација во сред Скопје. Трагично за главен град на европска држава.
Да не беа спомениците на лавови, фонтани, барокни фасади и останатиот раскош и луксуз на Никола Груевски и Коце Трајановски, атмосферската канализација на ул. „Боца Иванова“ во Скопје ќе беше одамна изградена.
Не само тоа, туку ќе беше изграден и водоводот во Шуто Оризари, како и средното училиште во Сарај. Да не беше опсесијата на Груевски со Скопје 2014, и да не беше послушноста на Коце Трајановски, со над пола милијарда евра кои ги фрлија во ветер, денес цело Скопје ќе имаше и водовод и атмосферска канализација.
Денешното сликање на Коце Трајановски со атмосферска канализација е најголемата навреда за скопјани. Скопје заслужува многу повеќе и многу подобро“, се вели во соопштението на СДСМ.