„Никола Груевски и ВМРО ДПМНЕ се плашат од вистината и затоа бегаат од реформи за слободни медиуми.
Медиумскиот мрак на Никола Груевски, платен со пари на граѓаните, постојано пласира измислици и тера пропаганда за да ги задоволи последните хирови на овој режим.
За Груевски е важно постојано да се креира лажна, виртуелна реалност, а вистината, дека сиромаштијата расте, дека младите се иселуваат, дека земјоделците се манипулирани, дека Македонија е нозе, постојано да се кријат.
Тоа го потврдуваат и резултатите од мерењата на прилозите во централните вести на медиумите на Никола Груевски.
Во периодот од 1 до 10 мај на Сител, Канал 5, Алфа и Нова ТВ емитувани се речиси 8 часа позитивно-промотивни прилози за ВМРО-ДПМНЕ (28.187 секдунди).
Негативни прилози за ВМРО ДПМНЕ на овие медиуми НЕМА.
Од друга страна, Канал 5, Сител, Алфа и Нова ТВ емитувале негативни прилози за СДСМ во времетраење од речиси 4 часа (13.819 секунди)
Часовите исполнети со лаги и пропаганда се уште една потврда дека во Македонија е неопходна регулација за слободни медиуми коишто непристрасно, професинално и независно ќе информираат во интерес на граѓаните.
Јасно е дека часовите исполнети со лаги коишто ги пласираат медиумите на Никола Груевски не можат да му помогнат.
Новата страна за иднината, за враќање на слободата, демократијата и правдата е веќе свртена.
СДСМ на чело со Зоран Заев ја започна борбата за Македонија храбро, решително и во интерес на сите нејзини граѓани.
Демократијата победува, доаѓа слободна и демократска Македонија.
Во демократска Македонија слободата за медиумите ќе биде обезбедена и гарантирана“, велат од СДСМ.