Цензурата од државната агенција МИА на веста дека Стразбур пресудил оштета на лустрираниот претседател на Уставниот суд Трендафил Ивановски ја прели чашата на пропагандата на Груевски, пропагандата почна самата да се разоткрива, реагира СДСМ.
„Државната информативна агенција МИА којашто ја плаќаат граѓаните се обидела да сокрие информација од истите тие граѓани. Од државната агенција МИА се должни да им кажат на граѓаните под чиј налог требало да ја сокријат веста дека според Стразбур не се задоволени условите за правично судење на лустрираниот претседател на Уставниот суд Ивановски. Веста за цензурата во МИА излезе во јавност, како што излегоа и милионите на Кирир, Република, Радио Слободна Македонија, Сител, Кана 5, Алфа…Овој случај е уште еден доказ дека медиумите, вклучувајки ги и јавните медиумски сервиси се под тотална контрола на власта и дека е неопходна медиумска регулација“, се вели во соопштението од СДСМ.
Овој случај, порачува опозицијата е уште еден доказ зошто Груевски не сака регулација на медиумите, бидејки нема да може да ги контролира информациите што го потврдуваат неговото криминално, валкано, расипничко владеење.
„Завршува времето на Груевски. Груевски и сите негови соработници во злоделата ќе одговараат“, реагира СДСМ.
