ОО СДСМ Центар ги повикува симпатизерите, членовите, но и сите граѓани, без разлика на партиска, верска и национална припадност да дојдат на протестот в недела (17. мај) во 14 часот пред Влада. Ова е посочуваат сплотени со една цел, да ја вратиме државата во рацете на граѓаните и заедно да одлучуваме за нашата иднина .
Еве што стои во повикот:
Почитуван пријателе, Во недела, 17-ти мај 2015г. со почеток од 14 часот пред Владата на Р.М ќе се одржи најголемиот сенароден, натпартиски, граѓански протест. Приклучи се и ти, повикај ги своите пријатели и сите заедно, рамо до рамо, без било какви предрасуди, партиски, етнички или верски, да излеземе на мирен, ненасилен протест. Обединети против насилството, да ги вратиме демократијата, мирот и стабилноста во Македонија. Да ја вратиме слободата во Македонија! Заедно, сплотени со една цел, да ја вратиме државата во рацете на граѓаните и заедно да одлучуваме за нашата иднина.
#НаПротест #Доаѓаме