Претседателот на Општинската организација на СДСМ од Куманово, Мартин Костовски денес даде изјава по повод акцијата на инспекторите на УЈП, со која се затворија неколку објекти низ градот.
– Инспектори од УЈП од Штип, Крива Паланка и други градови, чукаат на врата на секој дуќанџија и во ист момент му изречуваат казна и го затвораат неговиот објект. Куманово во последните денови е излепено во жолтата трака на УЈП, бизнисот се претвора во парализиран пациент кој лежи во болничка постела и бара помош-изјави Костовски.
Тој нагласи дека додека СДСМ и градоначалникот на Куманово, Зоран Дамјановски прават напори за привлекување на инвестиции, за отворање на нова индустриска зона, УЈП ги затвора постоечките.
– Се надевам дека ќе го оставите градот слободно да дише, луѓето чесно и домаќински да заработуваат за своите семејства-наведе претседателот на СДСМ од Куманово.
Елена Георгиевска