Сакаме да реагираме на вчерашната злоупотреба на функцијата Градоначалник и злоупотребата на механизацијата на ЈСП во служба и функција на кампањата на ДПМНЕ, вели Горан Милевски, советник во Општина Битола „Сојуз за иднината“.
Со ова уште од првиот ден на предизборната кампања ДПМНЕ ја погази и ја направи ништожна декларацијата за фер и демоктратски избори која самите ја напишаа и усвоија на последната сендица на Советот.
Со ова се покажа дека опозицијата беше во право што не ја прифати и не ја гласаше оваа декларација бидејќи бевме убедени дека ДПМНЕ и Талевски Ниту имаа демократски капацитет ниту желба а најмалку намера да организираат и спроведат фер и демократски избори.
Но да им укажеме дека за кршењето на изборниот законик после 24 март некој сигурно ќе одговара.Можат колку сакаат машини и механизација да вадат, колку сакаат улици да копаат, со нив е завршено, ние за разлика од нив на 24 март граѓаните наместо механизација ќе ги извадеме на гласачките места и тие ќе им пресудат за нивното неодговорно и несовесно работење, изјави Горан Милевски, советник во Општина Битола „Сојуз за иднината“.