Договор за работа на Комисијата за настаните од 24 декември без нејзиниот претседател Борче Давитковски апсолутно не постои, рече на денешната прес конференција потпретседателот на СДСМ Дамјан Манчевски одговарајќи на новинарско прашање откако вчера Илија Димовски од ВМРО-ДПМНЕ рече дека двете најголеми партии се договориле комисијата да продолжи да работи и без Давитковски.
-Социјалдемократскиот сојуз на Македонија целосно ги испочитува своите обврски кои произлегоа од мартовскиот договор. Го повикуваме претседателот Иванов, со оглед на тоа што тој ја формираше оваа комисија, да започне процес на консултации со двете најголеми политички партии, со цел да се надмине кризата на работата на комисијата. Договор за работа на комисијата без нејзиниот претседател апсолутно не постои-вели Манчевски.