СДММ од Куманово денеска заврши со петицијата за дислокација на Центарот за метадонска терапија на наркозависници, кој се наоѓа во близина на училиште и градинка, во населбата „Гоце Делчев“.
Тие соопштија дека соберале 1.000 потписи, кои ќе ги достават до Министерството за здравство.
-Оваа бројка покажува дека на граѓаните им е доста од секојдневните грозоморни слики од шприцеви и игли. Време е да се стави крај на стравот на родителите за нивните деца кои секојдневно поминуваат тука, за да одат на училиште или градинка-изјави портпаролот на СДММ од Куманово, Марио Доневски.
Тој нагласи дека тие не сме против овој начин на лекување и помош на зависниците, но според нив нелогично е ваков центар да биде во непосредна близина на основно училиште и градинка.
-Ги разбираме потребите на тие луѓе, но бараме соодветно место за Центарот за метадонска терапија. Се надеваме дека ова ќе биде последен апел до Министерството за здравство, кое е надлежно за решавање на овој проблем. На граѓаните не им требаат верувањата од министерот Тодоров, туку им треба конечно решение-нагласи Доневски.
Елена Георгиевска