Во текот на вчерашниот ден на територијата на град Скопје изречени се вкупно 86 мерки во областа на сообраќајот, информира Министерството за внатрешни работи.
-Од вкупниот број санкции, 17 се за брзо возење, десет санкции се изречени за возење без возачка дозвола, четири за минување на затворен сигнал, три санкции за возење под дејство на алкохол, четири за непрописно престигнување и обиколување, соопшти МВР.
Од Министерството информираат дека сообраќајните контроли продолжуваат и во наредните денови и апелираат на почитување на сообраќајните правила и прописи, со цел побезбеден сообраќај.