Во рок од четири часа, полициски службеници на СВР Тетово денеска откриле и казниле 11 технички неисправни возила кои вршат јавен превоз.
„При контролата, откриени и санкционирани се 11 технички неисправни возила (ТЕ-5 и ГВ-6), од кои 6 возила (ТЕ-4 и ГВ-2) имале неисправни сопирачки, 3 (ГВ) биле со неизвршен технички преглед, 1 (ТЕ) со неисправен уред и 1 возило (ГВ) не поседувало потребна опрема. Во контролата, исто така, биле констатирани и 17 други видови сообраќајни прекршоци (ТЕ-11 и ГВ-6) кои, исто така, биле заокружени со поднесоци и кои ќе се соочат со адекватни парични глоби“, велат од МВР.