Секторот за сообраќајни работи при Бирото за јавна безбедност, во координација со Одделението за безбедност на патниот сообраќај при СВР Скопје вчера спровело акциска контрола против возачи на мотоцикли кои учествуваат во т.н. „диви трки“ на подрачјето на град Скопје поточно на скопската обиколница.
Од полицијата соопштуваат дека санкционирани се 10 возачи на мотоцикли кај кои се констатирани низа прекршоци. Од нив двајца моторциклисти се приведени во Полициското одделение Петровец, а мотоциклите ќе бидат упатени во Станица за технички преглед за понатамошна постапка.