Дефектот на булеварот Илинден во Карпош ноќеска е саниран, а водоснабдувањето е нормализирано во 04:25 часот, информира ЈП „Водовод и канализација“.
Булварот Илинден вчера вечер беше поплавен кога пукна водоводна цевка, а водата се излеа покрај банката „Прокредит“, па сè до трговскиот центар „Сити мол“.
Излевањето на водата најпрвин направи хаос во сообраќајот, а кога екипи на „Водовод и канализација“ го исклучија притисокот, водата се повлече по што на асфалтот останаа кал и тиња.
