„Општина Центар и општинската организација на “Црвен Крст“ од Центар го промовираа проектот “Помогни си себе си – помогни му на другиот“. Во основните училишта “Гоце Делчев“ и “11-ти Октомври“, на секои 2 училници се поставени сандачиња за прва помош, со комплетен санитетски материјал.
Волонтери на “Црвен Крст“ ги обучија наставниците и 20 ученици од 7-мо и 8-мо одделение за користење на сандачињата и за пружање на прва помош.
Градоначалникот на општина Центар, Андреј Жерновски, вети дека овој проект ќе се имплементира и во другите училишта на територија на општина Центар.
Ваквиот начин на работење и вакви проекти се по стандарди на Светската здравствена организација за прва помош во училиштата“, соопштуваат од Општина Центар.