Се врши санација и подготовка за поставување нов асфалтен слој на улицата „8 Октомври“ во Крива Паланка.
Активностите за санирање на сообраќајницата и тековно одржување на дел од улицата се во тек на потегот од клучката со главната улица „Св.Јоаким Осоговски“ до т.н. „Маневски Мост.
Од општината информираат дека со работите се предвидува и поставување на комплетно нов асфалтен слој на оваа делница, да се изврши поправка на тротоарите и уредување на дел од јавните површини долж улицата. Во периодот на изведувањето работи на терен, најавија дека е можно да се врши делумно ограничување или прекини на сообраќајот.
– Потребно е да се изврши отстранување на хаварисаните и паркирани возила покрај улицата, да се отстранат дрва за огрев или други материјали покрај коловозот заради полесно одвивање на сообраќајот, како и да се овозможи предвидените работи да се изведуваат непречено. Се молат граѓаните да возат крајно внимателно и да имаат разбирање за отежнатите услови за движење во текот на изведување на работите, апелираат од локалната самоуправа на општина Крива Паланка.