37-годишна скопјанка е приведена вчера бидејќи украла предмет од златарница во близина на Бит пазар во Скопје. Таа пак го пријавила вработениот во златарницата за напад информира Министерството за внатрешни работи.
– На 17.11.2022 во 13.40 часот на подрачјето на Бит Пазар-Скопје, полициски службеници од СВР Скопје ја лишиле од слобода Р.А.(37) од Скопје. Таа се сомничи дека претходно од златарница на подрачјето на Бит Пазар одзела златен предмет. Во врска со случајот, Р.А. пријавила дека околу 13.00 часот во златарницата била физички нападната од продавачот Н.А.(60) од Скопје. По целосно документирање на случајот ќе бидат поднесени соодветни поднесоци се наведува во соопштението од МВР.