Првата истражувачка студија, која детално ги разгледува факторите и причините кои стојат зад проблемот со миграцијата на докторите од Западен Балкан, ќе биде промовирана на меѓународниот самит на тема „Заеднички тенденции за миграција на здравствен кадар од земјите од Западен Балкан“, кој денеска во Скопје, го организира Меѓународната истражувачка организација Хелтгрупер.
Од организацијата информираат дека изминатите две години работеле на два последователни проекта за миграција на здравствен кадар од земјите од Западен Балкан, финансиски поддржани од Универзитетот во Фрибург од Швајцарија, преку Регионалната поддршка за промоција на истражувањата во земјите од Западен Балкан.
Во истражувањето со кое биле опфатени Македонија, Србија, Албанија и Косово, биле вклучени еминентни здравствени работници, професионалци и познати професори од странство.
На Самитот ќе присуствуваат гости од странство и еминентни професори од Израел, предводени од проф. Јехуда Неумарк, директор на Школата за Јавно здравје во Ерусалим.
