Во соработка со Владата предводена од ВМРО-ДПМНЕ, како врвен приоритет ја поставуваме целосната рехабилитација на патниот правец Берово-Струмица, вели Петар Ружински, кандидат за градоначалник на општина Берово.
– Патот до Струмица е нашата главна врска со еден од најважните економски центри во регионот. Со години тој пат е во лоша состојба, небезбеден и полн со дупки, што го отежнува патувањето и транспортот на стоки. Во соработка со Владата предводена од ВМРО-ДПМНЕ, како врвен приоритет ја поставуваме целосната рехабилитација на овој патен правец. Тоа значи темелна обнова на подлогата, комплетно нов асфалт и нова модерна сигнализација. Подобрата поврзаност значи побрз економски развој и поголема безбедност за сите. Заокружете го бројот 9 за проекти кои не поврзуваат, вели Ружински.