Рустеми контра Ајро, смета дека милионите на Мијалков не гарантираат дека нема да избега

Од:

Сашо Мијалков да остане во притвор, ваков е ставот на Вишото јавно обвинителство кое се произнело по жалбата на првостепено осудениот поранешен директор на УБК. За разлика од обвинителот Артан Ајро, кој сметаше дека со 10.8 милиони евра, Мијалков може да гарантира дека нема да избега, вишиот обвинител Бурим Рустеми не мисли така. За Рустеми, и со овие средства, опасноста од бегство и криење постои.

dobivaj vesti na viber

И покрај негативното мислење од Вишото јавно обвинителство за ексдиректорот Мијалков да излезе од затворот „Скопје“ во Шутка, конечната одлука ќе ја донесе Апелацискиот суд во Скопје. Судиите ќе треба да кажат дали милионите на Мијалков се доволона гаранција дека тој ќе биде достапен за правосудните органи.

Гаранцијата од близу 11 милиони евра за ексдиректорот на УБК, Сашо Мијалков, да се брани од слобода ја дале правни лица. Ниту Обвинителството ниту Управата за финансиска полиција не истражуваат како се заработени понудените 10.8 милиони евра гаранција за слободата на Мијалков.

Ексдиректорот Мијалков беше спроведен во затворот во Шутка на крајот на февруари откако му беше изречена казна затвор од 12 години за масовното прислушување, односно судскиот процес „Таргет – Тврдина“. Притворот му беше продолжен се до пресудата за судскиот процес „Трезор“ за набавката на опремата за нелегално прислушување каде обвинителите одново пробараа притвор за Мијалков се до правосилност на пресудата. За случајот „Трезор“ Мијалков доби казна затвор од 8 години која се уште не е правосилна.

Би можело да ве интересира

Апелација укина пресуда за Мијалков со која требаше да лежи 8 години во затвор и во буџетот да се вратат 860 илјади евра

Кристијан Ландов

На Мијалков му одредија датум од кога ќе почне да преспива во струшкиот затвор

Кристијан Ландов

Денот кога Мијалков се согласил да оди три години во затвор, сменил живеалиште во Охрид, а затвор ќе лежи во Струга

Кристијан Ландов

Од 13 години затвор, се испазари за три: Државата зема имот од 30 милиони евра на Мијалков, а не знае како го стекнал

Кристијан Ландов

Се запленува имот на Сашо Мијалков за случајот „Империја“

Ландов

Каевски: Мицкоски го брани шефот Груевски, затоа молчи за црната листа на САД