Познатиот руски поет Сергеј Главјук утре и задутре ќе биде гостин на Друштвото на писателите на Македонија, при што ќе оствари повеќе контакти околу можностите за проширување и интензивирање на соработката меѓу македонските и руските писатели, соопштија од ДПМ.
Во среда во 12 часот во Домот на македонските писатели ќе се одржи портрет на Сергеј Главјук за чие творештво ќе зборуваат претседателот на ДПМ, Веле Смилевски, Братислав Ташковски и Олга Панкина.
На македонските читатели поезијата на Сергеј Главјук им е позната со книгите „Агли“ и „Старата монета“, објавени во превод од руски на Гане Тодоровски.
Тој е оставувач на десеттомната антологија „Словенските поезии на 20 и 21 век“, во која првиот том од 500 страници е посветен на македонската поезија.
Главјук е добитник е на македонското признание „Златно перо“ за успешно презентирање на творештвото на наши автори на руски јазик и е почесен член на Друштвото на писателите на Македонија.