Рот: Се надевам на позитивна оценка на Бундестагот до октомври

Од:

Германскиот државен министер за Европа, Михаел Рот изјави дека стратегијата за проширување е од голема важност за ЕУ и се заложи за отворање пристапни преговори со Северна Македонија и Албанија „колку е можно побрзо“.

Тој по пристигнувањето на Советот на министри на ЕУ во Луксембург истакна дека на германскиот Парламент, Бундестаг, му е потребно време да го разгледа извештајот на Европската комисија и да даде „зелено светло“.

– Разбирам дека се работи за важни прашања за партнерските земји, но мораме да му дадеме време на Бундестагот. Се надевам на позитивен исход колку е можно побрзо, до октомври, нагласи Рот.

Тој најави дека ќе се разговара за извештајот за напредок на земјите во процесот за пристапување во ЕУ, кој минатиот месец го објави ЕК, а посебно го нагласи позитивниот развој на настаните во Северна Македонија и Албанија.

– Пред една година во Луксембург им дадовме на двете земји задачи и мое мислење е дека тие ги исполнија, изјави германскиот министер.

Рот посебно го потенцира постигнувањето на Преспанскиот договор меѓу Скопје и Атина, кој според него претставува пример за храброст и подготвеност за помирување по речиси 30 години несогласување.

– Нашата позиција е најбрзо што може да се договориме за почеток на пристапните преговори. Во прашање е почеток на долги и тешки преговори, но станува збор за кредибилитетот на ЕУ и стабилизирање на демократијата, владеењето на правото и слободата на медиумите во овие две земји кои нема да функционираат без ЕУ, заклучува Рот.

Би можело да ве интересира

Хан: Да бидам јасен, одговорноста за недобивање датум е кај ЕУ

Ана Ололовска

Османи: Ние сме дел од Европа и продолжиме со изградбата на европска Република Северна Македонија

Ана Ололовска

ЕУ најверојатно ќе се наврати на проширувањето во декември

Ана Ололовска

Ципрас: Европските вредности понекогаш се посилни на Балканот отколку во Брисел

Ана Ололовска

Димитров: Најмалку што ЕУ ни должи е да биде јасна кон нас

Ана Ололовска

Хан: Ризик од дестабилизација на Балканот по неспособноста на ЕУ да отвори преговори

Ана Ололовска