Романија испраќа авион за гаснење пожари со голем капацитет

Од:

По писмено барање на министерката за одбрана Радмила Шекеринска до нејзиниот романски колега Николае Јонел Чука за итна помош во справувањето со пожарите, Романија донесе одлука да испрати авион за гаснење на пожари со поголем капацитет, соопшти Министерството за одбрана.

– Ве молиме да ги утврдите можностите за испраќање на авион за справување со шумски пожари, кои се од исклучителна потреба за Република Северна Македонија. Сојузничката солидарност е многу важна во овие тешки времиња и ние сме благодарни за сета ваша помош и поддршка, се вели во писмото што министерката Шекеринска го испрати до романскиот министер за национална одбрана, Николае Јонел Чука.

Ова е уште еден позитивен одговор од НАТО сојузничка земја, по реакцијата на министерот за одбрана на Словенија која испрати пожарникари и противпожарни возила во опожарените подрачја низ Северна Македонија и по помошта што ја испрати соседна Бугарија, стои во соопштението од Министерството за одбрана.

Прва помош во земјава упати Србија која даде на располагање четири хеликоптери кои се уште се активни во критичните подрачја.

Би можело да ве интересира

Активни шест пожари, вкупно 14 на отворен простор

Пожарот во Преспа е под контрола, уште гори на Серта, активно е уште на шест локации

Мајка и татко загинаа спасувајќи го деветмесечното бебе од водите на Дунав

А1он

Гори на планината Серта меѓу штипските села Драгоево и Селце

Ангелов: Бројот на пожари висок, третиот „ер трактор“ во фукција на почетокот на август

Пожари: уште гори кај Желино, Македонски брод, Василево и во прилепско

Катерина Ѓуровски