Двајца скопјани претепале професор на Факултетот за музичка уметност, бидејќи ќерката на едниот од нив не го положила испитот кај него.
Вчераутрото околу 9 часот и 30 минути, додека траел испитот кај професорот Т.М., во канцеларијата влегле А.И. и А.Р. Ќерката на А.И. не го положила испитот кај професорот, па двајцата почнале да го тепаат професорот со тупаници, го удирале по главата и телото и му ја искинале колшулата.
Таткото на студентката го искршил и инвентарот во кабинетот и, заканувајќи му се на професорот, му го дал индексот за да напише проодна оценка. Истепаниот професор почнал гласно да вика на помош, па тепачите побегнале.