„Во следните два дена се бележат значајни би рекол и историски моменти за нашата партија, највисокиот партиски орган – Конгресот одбира ново раководство и претседател, кој како и сите претходни ќе има многу одговорна работа, што во денешно време е многу по отежната од политичките закани и прогони кои по речиси 20-тина години повторно станаа пракса на некои политички опоненти во нашата земја. Целта е јасна слабеење на единствениот наш наследник на историското ВМРО и најголем заштитник на македонскиот народ и држава“, изјави на вечерашниот конгрес на ВМРО-ДПМНЕ во Валандово, Спиро Ристовски.
Тој додаде дека делегатите ќе избираат ново раководство кое ќе мора да дејствува, да војува на повеќе фронтови, но основни ќе бидат два – да ја зачува, но и да ја засили сплотеноста и единството меѓу членовите. „Одлика по која секогаш сме биле пример, препознатливи и која што секогаш била сила и наша најголема енергија, истрајност и борбеност за ефикасно и ефективно делување“, рече Ристовски.