Ова е сликата од улицата Македонија, или дел од улицата. Граѓаните изненадени и револтирани гледаа како половина од улицата се затвора со огради за изградба на две десетокатници и мегаломанска катна гаража од 21 метар.
За А1 велат, дека урбаната мафија ја сардисала улицата која постои 100 години
Минатата недела, во знак на револт кандидатите за градоначалници на Скопје и Центар, Јани Макрадули и Андреј Жерновски се обидоа , но не им беше дозволено да засадат дрвца. За нив, власта го уништува зеленилото за сметка на бизнис интересите на одредена група луѓе.
Овде, изјави Макрадули, и покрај противењето на жителите на урбаната заедница “Роберт Гајдиќ“, власта по секоја цена сака да изгради две десетокатници и мегаломанска катна гаража од 21 метар. Тоа се прави надвор од законската процедура.
Жерновски беше дециден дека по март месец урбаната мафија ќе се збогува со општина Центар.