Возрасен охриѓанец изреволтиран што куче му ги нападнало патките, решил со пушка да се пресмета со натрапникот усмртувајќи го песот, но притоа оштетил и паркиран автомобил.
Инцидентот се случил на 30-ти минатиот месецоколу 11 часот кога 79-годишниот Ц.Ч. забележал дека куче му ги нападнало патките во дворот на куќата во која живеел, на улицата „Ирина Мирка Гинова“ во Охрид.
Тогаш тој во обид да ги заштити патките ја зел пушката на неговиот син, карабин „Застава 8х57“, при што испукал два куршуми, од кои првиот завршил во паркирано возило марка „Пежо“ додека со вториот го усмртил натрапникот. Убиеното куче тој го фрлил во блиската река, а настанот го прикрил и од домашните.
Полицијата биле информирана за случајот и по спроведната истрага го расвлетила случајот, а против прекршителот поднела соодветна кривична пријава за сторено кривично дело „предизвикување општа опасност“ и нанесена материјална штета.