По трите дена пауза, пратениците повторно на работа. Ја продолжуваат 37-та седница на која треба да расправаат за Годишниот извештај за извршените ревизии и за работењето на Државниот завод за ревизија во 2011 година.
Пратениците треба да ги разгледаат и измените и дополнувањето на Годишната програма за работа на Агенцијата за електронски комуникации за 2012 година и предлог одлуката за давање согласност на Статутарната одлука за изменување и дополнување на Статутот на Агенцијата за електронски комуникации.
Во Собранието течат и подготовките за Надзорната расправа за начинот на трошењето на парите и ефектите од субвенциите, која е закажана за утре и за комисиската расправа за законот за бранителите, закажана за во среда.