Дологодишниот проблем на жителите кај Зелено пазарче конечно е решен, соопштуваат од Општина Центар.
„Група граѓани се јавија во општина Центар укажувајќи дека на сервисна улица на бул. Кочо Рацин од која се шири непријатна миризба и постои опасност од пропаѓање на целата улица и која се наоѓа во непосредна близина.
Надлежните служби на општината веднаш реагираа, но беше констатирано дека не се работи за мала интервенција, туку дека е неопходен целосен зафат“, велат од Општина Центар.
„Цевките за фекална канализација, кои беа пукнати и беа жариштето на проблемот, општина Центар ги санираше, а со три камиони “тампон“ улицата е вратена во првобитна состојба“, велат од Општината.
