Ресенчанец на возраст од 31 година е приведен вчера откако во семејниот дом прво ја нападнал сопругата, а потоа со остар предмет му се заканувал на нејзиниот тактко.
– На 16.04.2023 во 19.15 часот во Ресен од полициски службеници од Полициската станица Ресен бил лишен од слобода Д.Н.(31) од Ресен поради тоа што во домот, по претходна расправија, физички ја нападнал неговата 35-годишна сопруга, а потоа со остар предмет упатил закани кон нејзиниот татко. По целосно документирање на случајот ќе следи соодветен поднесок, се наведува во известувањето од МВР.