Општина Центар ја реконструира улицата “Орце Николов“ и тоа потегот од булеварот “Св. Климент Охридски“ до улицата „Михаил Цоков“.
„Реконструкцијата е во завршна фаза, а денеска на терен, со своите соработници, беше и градоначалникот Андреј Жерновски. Вкупната површина на зафатот, кој е финансиран од општинскиот буџет, е 3600 м2, должина околу 520 метри и ширина 7 метри.
Поставени се нови шахти и поправени се оштетените ивичњаци. По стругањето на асфалтот, нивелирањето на шахтите, денеска се нанесува завршниот слој на асфалтот.
Овој дел на улицата „Орце Николов“ беше во лоша состојба, а ударните дупки го оневозможуваа нормалното одвивање на сообраќајот.
И овој зафат е дел од проектот „Работно лето 2015“ на општина Центар, проект кој се реализира во соработка и договор со граѓаните“, се вели во соопштението на Општина Центар.
