Општина Кисела Вода со свои буџетски средства ги реконструира санитарните јазли во три основни училишта на нејзина територија.
Неодамна е завршена реконструкцијата на санитарните јазли во ЦОУ „Круме Кепески” при што е ставена нова санитарија, плочки, нови врати, нова водоводна инсталација и одводни цевки и штедливи лед арматури за осветлување.
Паралелно е извршена и темелна обнова на дел од санитарните јазли во ООУ „Кирил Пејчиновиќ”, а во тек се и градежни зафати за реконструкција во ООУ „Кузман Шапкарев” во населбата Драчево.
– Средствата за сите посочени градежни инвестиции во санитарните јазли на училиштата се обезбедени од буџетот на Општина Кисела Вода, соопшти Општината.