„Привршуваат и последните подготовки за почетокот на новата учебна година во училиштата во општина Центар.
Во општинското основно училиште „Св. Кирил и Методиј“, при крај се градежните работи за обновување на ѕидните површини и поставување на нови подови, соопштуваат од Општина Центар.
„Овој градежен зафат опфаќа комплетно обновување на 2054 м2 ѕидни површини и 352 м2 на подови, кои ќе бидат готови до почетокот на учебната година и учениците ќе влезат во нови и поубави простории.
Освен во ОУ „Св. Кирил и Методиј“, општина Центар e на самиот крај и со подготовките во останатите основни училишта, сѐ со цел успешна нова учебна година“, велат од Општина Центар.
