Над 300 пензионери од Прилеп, Битола, Крушево, Демир Хисар и Ресен учествуваа на 22. Регионални пензионерски спортски натпревари што денеска се одржаа во средното општинско учеилиште „Цар Самоил“ во Ресен.
Победниците во 11-те дисциплини, меѓу кои шах, пикадо, влечење јаже, фрлање ѓуле…, ќе го претставуваат регионот на Републичките пензионерски спортски натпревари, што ќе се одржат на 2 септември во Кочани.
Учесниците на Регионалните пензионерски спортски натпревари ги поздрави градоначалникот на Ресен, Ѓоко Стрезовски, кој посочи дека општината ќе продолжи и во иднина да ги поддржува активностите на пенионерските здруженија.
– Општината стои на располагање и понатаму да ги поддржува активностите на пензионерските здруженија како мал придонес во подобрување на квалитетот на живот на највозрасните наши сограѓани, рече Стрезовски.
Тој изрази задоволство што Општина Ресен е домаќин на Спортските пензионерски игри, нагласувајќи дека радува фактот што голем број пензионери во духот на спортот ги минуваат пензионерските денови.