Фолклорни ансамбли, пејачки групи, солисти и оркестри денеска во Кочани учествуваа на 15-та Регионална ревија на музика, песни и ора, организирана од Сојузот на здруженијата на пензионерите на Македонија, чиј домаќин беше Кочанското пензионерско здружение.
На сцената на Домот на културата „Бели мугри“ настапија преставници на Здруженијата на пензионери од Виница, Македонска Каменица, Делчево, Пехчево, Берово и од Кочани.
Пензионерите од Берово и Пехчево се претставија со пејачки групи кои ја негуваат имакедонската традиционална народна песна од Малешевијата, додека пензионерите од Делчево и Македонска Каменица покрој музичките нумери со изворни песни од Пијанец и Осоговијата се преставија и со изворното оро „Копачка“, кое е заштитен бренд на овој крај од страна на УНЕСКО. „Копачката“ беше презентирана во изведба на машка и женска играорна група.
Пензионерите од Виница го изведоа обичајот „Истерување чума“ проследен со народна песна од овој крај, како и со неколку мешани ора, додека Здружението на пензионерти на Кочани изведе народни ора од Осоговијата.
За значењето на ревијата и негувањето на народниот фолклор, музика и песна зборуваше Драги Аргировски, претстедател на Сојузот на пензионерите на Макеоднија, а во името на градот домаќин учениците ги поздрави градоначалникот Ратко Димитровски.
На Кочанското здружение на пензионери му беше врачено признание од СЗПМ за континуирано учество на досегашните ревии на музика, песни и ора.