Регионален ресурсен центар за слепи и слабовидни лица во Битола

Од:

Здружението на слепи лица-Битола со поддршка на локалната самоуправа ќе отвори Регионален ресурсен центар за слепи и слабовидни лица.

Според проектот, регионалниот ресурсен центар сместен во урбаната заедница „Коле Лачето“ во Битола, ќе биде во функција на сите слепи и слабовидни лица со целосно или делумно оштетен вид од регионот, но и за членови на други здруженија за лица со инвалидност.

– Реализацијата на идејата се одвива фазно, формирана е посебна меѓуопштинска комисија во која се застапени претставници од здружението на слепи лица и претставници на општините Битола, Демир Хисар, Ресен, Могила и Новаци. За непречена работа на ресурсниот центар обезбедена е поддршка од УНДП, Министерството за труд и социјална политика, а општините ќе издвојуваат средства од буџетот планиран за финансиска поддршка на здруженија на граѓани и фондации, истакна Стевче Костадиновски, претседател на Здружение на слепи лица-Битола.

Од здружението на слепи лица-Битола информираат дека Регионалниот ресурсен центар ќе располага со аудио книги, компјутерска опрема, специјално возило за превоз на слепи и слабовидни лица, но и на лица со телесен инвалидитет бидејќи ќе биде отворено за сите членови на здруженијата со што ќе се обезбеди поголема инклузивност во заедницата.

Би можело да ве интересира

Земјотрес e почувствуван во Битола и околината

Општина Битола издвои два милиони денари за семејствата на починатите и за повредените во пожарот во Кочани

Гори големо стрниште во околината на Битола

Мирен протест во Битола: Институциите дозволија живи да горат деца, да гори младината иднината на државата

Битолчани – шампиони во селектирање отпад: Успешно одложени 1 милион парчиња амбалажа во 2024 година

Јубилеј во Битола – 80 години од првиот наставен час на современ македонски јазик